Роботтар баристаларды жұмыссыз қалдыра ма?

23 млн теңге тұратын робот-бариста кофе әзірлеп, адамдарды жұмыссыз қалдыруы мүмкін
Астанадағы кофеханалардың бірінде кофе дайындау процесін толықтай өз мойнына алатын робот-бариста пайда болды: ол сусынды әзірлейді, кілегейді көпіршітеді, латте-арт (көбікке сурет салу) жасайды, тіпті артынан ыдыстарын да жуып қояды. Threads пайдаланушысы бейнежазбалармен бөлісті.
 

Мұндай «қызметкердің» қолынан шыққан бір кесе кофе шамамен 1500 теңге тұрады. Робот түсірілген видео әлеуметтік желілерде қызу талқыға түсті: біреулер технологияның ыңғайлылығына тамсанса, енді біреулері машиналар адамдарды жұмыссыз қалдырып, кофеханалардағы жанды қарым-қатынас атмосферасын бұзады деп алаңдаулы.

Айта кетейік, мұндай роботтар Мәскеуде 2025 жылдан бері жұмыс істеп келеді және әзірге баристаларды нарықтан ығыстыра қойған жоқ. Alibaba алаңында мұндай құрылғылардың бағасы моделі мен атқаратын функцияларына қарай 1,8-ден 22,6 млн теңгеге дейін барады.