Reuters: Қазақстанда мұнай өндірудің тарихи рекорды тіркелді

Қазақстанда тәуліктік мұнай өндіру көлемі 278,4 мың тоннаны құрап, тарихи рекорд орнатты. Бұл туралы Отын-энергетика кешенінің ахуалдық-талдау орталығы (ОЭК АТО) хабарлады.

«2025 жылдың 26 қаңтарында Қазақстанда тәуліктік мұнай өндіру көлемі 278,4 мың тоннаны құрады. Бұл 2024 жылдың осы кезеңімен салыстырғанда 10,5%-ға көп (251,9 мың тонна)," – делінген мәлімдемеде.

Сарапшылар бұл көрсеткішке «Теңізшевройл» компаниясының (ТШО) болашақ өсу жобасының (ККЖ) негізгі кезеңдерін аяқтап, Теңіз кен орнында Үшінші буын зауытын (ТГЗ) іске қосуы арқасында қол жеткізілгенін атап өтті.

Айта кетейік, «Теңізшевройл» серіктестігі Теңіз кен орнында Үшінші буын зауытын іске қосып, мұнай өндіру көлемін арттыра бастады.

2024 жылдың қараша айында ҚР Энергетика министрі Алмасадам Сәтқалиев Қазақстан 2026 жылдан бастап жылына 100 миллион тонна мұнай өндіретінін мәлімдеген болатын.

Қазақстан өндіріс көлемін ОПЕК+ ұйымының келісімдері аясында реттейді. Reuters-тің жазуынша, ОПЕК+ Қазақстанды, сондай-ақ Ирак пен Ресейді мұнай өндірісін қысқарту жөніндегі міндеттемелерді бірнеше рет орындамаған елдер ретінде атады.