Ресей мен Украина тұтқын алмасты

10 маусым күні Ресей мен Украина арасында тұтқындармен кезекті алмасу өтті. Бұл келісім 2 маусымда Стамбұлда жасалған. Украина президенті Владимир Зеленскийдің айтуынша, елге ауыр жараланған сарбаздар мен бірнеше жылдан бері тұтқында болған Мариуполь қорғаушылары оралды. Олардың арасында ампутация жасалған, көру қабілетін жоғалтқан және ауыр сырқаттарға шалдыққандар бар.

Ресей қорғаныс министрлігі өз жауынгерлерінің Беларуське жеткізіліп, сонда ем қабылдап жатқанын хабарлады. Алмасу аясында нақты қанша адам босатылғаны әзірге жарияланған жоқ.

Стамбұл келісімі аясында қос тарап 18–25 жастағы тұтқындар мен 6000 қаза тапқан әскери қызметкердің мәйітін де алмасуға келіскен.