Ресей мен Беларусьтен келетін көліктерге утильалым қымбаттайды

Қазақстанда Ресей мен Беларусьтен әкелінетін автокөліктерге арналған утилизациялық алымды арттыру жоспарланып отыр. Бұл туралы Kolesa.kz хабарлады.

Өнеркәсіп министрлігі әзірлеген бұйрық жобасына сәйкес, аталған елдерден импортталатын жеңіл көліктер мен өздігінен жүретін ауыл шаруашылығы техникасына утильалымды есептеу кезінде 2 коэффициентін қолдану ұсынылған. Ал Қазақстанда өндірілетін немесе ЕАЭО-ға кірмейтін елдерден, сондай-ақ Армения мен Қырғызстаннан әкелінетін көліктер үшін қолданыстағы мөлшерлеме өзгеріссіз қалады.

Министрлік мұны Еуразиялық экономикалық одақ аясындағы теңсіздікті жою үшін қажет деп түсіндіреді. Қазір Қазақстанда жасалған көліктер Ресей мен Беларуське экспортталғанда, ол елдер қосымша салықтар мен алымдар талап етеді. Бұл жағдай біздің автоөндірушілерге тиімсіз болып отыр.

Жаңа өзгеріс осы айырмашылықты жойып, көлік бағасындағы әділетсіздікті азайтуға бағытталған. Егер ұсыныс қабылданса, Ресей мен Беларусьтен келетін көліктерге салынатын утильалым Ресейде 2025 жылдың желтоқсанынан бастап енгізілетін мөлшерлемемен бірдей болады.

Өнеркәсіп министрлігінің өкілдері Қазақстан автонарықта ашық әрі тең саясат ұстанатынын, бұл шешім мемлекет, бизнес және тұтынушылардың мүддесін тең ұстауға бағытталғанын атап өтті.

Келешекте утильалым мөлшері мынадай болуы мүмкін:

kolesa.kz