$ 491.29 € 562.92 ₽ 6.1

Референдумның әділ, таза, ашық өтетініне күмәнім жоқ: мәжіліс төрағасы дауыс берді

Редакция
15 наурыз 2026, 08:30
Референдумның әділ, таза, ашық өтетініне күмәнім жоқ: мәжіліс төрағасы дауыс берді Сурет авторы: Ж.Жұмабеков

15 наурыз күні Астанада Мәжіліс төрағасы Ерлан Қошанов Қазақстан Республикасының жаңа Конституциясын қабылдау жөніндегі республикалық референдумға қатысып, өз таңдауын жасады.

Парламент спикері елордадағы Қазақстан темір жолы ұлттық компаниясының ғимаратында орналасқан №128 дауыс беру учаскесінде дауыс берді.

Журналистерге пікір білдірген Мәжіліс төрағасы бүгінгі күннің ел үшін маңызы зор екенін атап өтті. Оның айтуынша, референдум – қазақстандықтардың жаңа Конституцияға қатысты өз ұстанымын білдіретін маңызды тарихи сәт.

Сондай-ақ ол азаматтарды сайлау учаскелеріне келіп, дауыс беруге және азаматтық белсенділік танытуға шақырды. Ерлан Қошанов 15 наурыз еліміздің тарихында ерекше күн ретінде қалатынына сенім білдірді.

Айта кетейік, бүгін бүкіл ел аумағында жаңа Конституцияны қабылдау жөніндегі республикалық референдум өтіп жатыр. Дауыс беру учаскелері таңғы сағат 07:00-ден бастап жұмыс істеуде.

#Ерлан Қошанов #Мәжіліс төрағасы #Қазақстан Парламенті #Қазақстандағы референдум #Жаңа Конституция #Дауыс беру #Саяси науқан #Азаматтық белсенділік #Қазақстан жаңалықтары #Дауыс беру учаскесі #Саяси процесс #Мемлекеттік саясат #Қоғам #Қазақстан тарихы

Соңғы жаңалықтар