Путин Тоқаевты жаңа Конституция бойынша өткен референдуммен құттықтады

Ресей президенті Владимир Путин Қазақстан президенті Қасым-Жомарт Тоқаевты жаңа Конституция бойынша өткен референдумның сәтті өтуімен құттықтады. Бұл туралы Кремльдің баспасөз қызметі хабарлады.

Путин жолдаған жеделхатта бүкілхалықтық дауыс берудің нәтижесі Тоқаев жүргізіп отырған мемлекеттік институттарды нығайту және елдің тұрақты әлеуметтік-экономикалық дамуын қамтамасыз ету бағытына кең қолдау бар екенін көрсеткені айтылған.

«Құрметті Қасым-Жомарт Кемелұлы, Қазақстан Республикасының жаңа Конституциясы бойынша референдумның сәтті өтуіне байланысты шынайы құттықтауымды қабыл алыңыз. Жалпыұлттық дауыс берудің нәтижелері сіз жүргізіп отырған мемлекеттік институттарды нығайту және елдің тұрақты әлеуметтік-экономикалық дамуын қамтамасыз ету бағытына кең қолдау бар екенін толық көрсетті», – делінген жеделхатта.

Ресей басшысы конституциялық өзгерістер Қазақстан мен Ресей арасындағы одақтастық және жан-жақты стратегиялық әріптестікті одан әрі дамытуға ықпал етеді деген үміт білдірді.

Сондай-ақ Путин Тоқаевқа табыс, мықты денсаулық және амандық тіледі.