Петропавлда қайтарылған активтер есебінен балабақша салынады

ҚР Үкіметі Петропавл қаласында 280 орындық балабақша салу үшін арнайы мемлекеттік қордан 2 миллиард теңгеден астам қаражат бөледі. Бұл туралы Үкіметтің баспасөз қызметі хабарлады.

Балабақша "Жас Өркен" қарқынды дамып жатқан шағын ауданында салынады. Қазіргі уақытта бұл ауданда үш балабақша бар, алайда олардың барлығы толып қалған. Жаңа балабақша мектепке дейінгі мекемелерде орын тапшылығын азайтуға мүмкіндік береді.

"Қазіргі уақытта қалада мектепке дейінгі мекемелерге кезекте тұрған 3 мыңға жуық бала бар, олардың жартысы 2-6 жас аралығында. Жаңа балабақша осы мәселені шешуге үлес қосады", – деп атап өтті Үкімет өкілдері.