$ 479.82 € 559.9 ₽ 6.15

Перизат Қайраттан тәркіленген элиталық көліктер Астана полициясының иелігіне өтті

Абдрахманов Мағжан
09 сәуір 2026, 17:30
Перизат Қайраттан тәркіленген элиталық көліктер Астана полициясының иелігіне өтті Сурет авторы: e-qazyna.kz

Перизат Қайрат ісі аясында тәркіленген қымбат көліктер Астана қаласының полиция департаментіне берілетін болды. Бұл туралы Астана қаласының мемлекеттік мүлік және жекешелендіру департаменті Informburo сауалына берген жауабында хабарлады.

7 сәуірде Mercedes-Benz S450 және Haval H6 GT көліктерін өткізу бойынша сауда өткен. Оның қорытындысы бойынша жеңімпаз ретінде Астана қаласының полиция департаменті анықталған.

Ведомство мәліметінше, енді 15 жұмыс күні ішінде көліктерді полиция балансына бекіту туралы шешім қабылданады.

Саудаға мемлекеттік мекеме немесе кәсіпорын ретінде тіркелген заңды тұлғалар ғана қатыса алған. Өтінім бергендер қатарында полиция департаменті мен Бас прокуратура жанындағы материалдық-техникалық қамтамасыз ету басқармасы болған.

Бұған дейін, 2025 жылдың қарашасында тәркіленген Lexus LX 600 көлігі Қаржылық мониторинг агенттігіне берілген еді.

Еске салсақ, Перизат Қайрат алаяқтық ісі бойынша 10 жылға бас бостандығынан айырылған. Оның анасы да сот үкімімен 7 жылға сотталған. Сот олардың 50 жәбірленушіге келтірген 1,5 млрд теңгеден астам шығынды өтеуін міндеттеген.

#Перизат Қайрат #Көлік #Астана ПД

Соңғы жаңалықтар