Перизат Қайрат 10 жылға сотталды

Перизат Қайрат 10 жылға бас бостандығынан айырылып, мүлкі тәркіленеді. Ол енді 10 жыл бойы қайырымдылықпен айналыса алмайды. Анасы — Ғайни Алашбаева да 7 жылға сотталды.

Астанада атышулы іс бойынша сот үкімі шықты. Перизат Қайрат пен оның анасы Ғайни Алашбаева 3,5 млрд теңгеге жуық қаражатты жымқырды деген айыппен кінәлі деп танылды. Қайырымдылық ұйымы арқылы халықтан жиналған қаражаттың бір бөлігі жеке мақсатта жұмсалғаны белгілі болды.

Тергеу деректеріне сәйкес, Перизат қымбат көліктер — Mercedes S540, Lexus LX-600, Haval, жылжымайтын мүлік сатып алған. Сонымен қатар, Палестина халқына көмек ретінде жиналған 200 миллион теңгені де қалтасына басқан.

Перизат Қайрат 2 бөлім 4 тармақ, 190‑бап (аяусыз ірі көлемде алаяқтық) және п. 3 бөлім  3 тармақ 218‑бап (әсіресе ірі көлемде жасалған қаржылық қылмыс) бойынша кінәлі деп танылды. Сот оның жазасын 10 жыл түрмеге және мүлкін тәркілеуге, сонымен қатар 10 жыл бойы қайырымдылықпен айналысуға тыйым салуға шешім қабылдады.
Гайни Алашбаева (анасы) – 7 жыл түрмеге, да осындай құқықтық шектеулермен және мүлігін тәркілеумен жазаланды 

Алаяқтық қызметтің салдары — 3 млрд 545 млн 897 мың 507 тенге мөлшеріндегі қаржы халық сенімін пайдаланып жымқырылғаны анықталды.

Сот Перизаттың «Шапағат» медалін қайтарып алды. Сонымен қатар, оның жалған диплом жасағаны да анықталды.

Еске салайық, 2024 жылдың күзінде Перизат Қайрат ұсталып, қоғамдық қаржы жымқыруға байланысты айыпталды. Уақыт өткен сайын зиян көлемі 1,5 млрд-дан 3,5 млрд тенгеге жетті. Оның қайырымдылық фонды - Biz Birgemiz Qazaqstan 2030 - сотпен жабылды.

Автор: Әмір Жәнібек