Павлодардағы зауыт Ресей мұнайын өңдеуге дайындалып жатыр – сарапшы

Павлодар мұнай-химия зауыты Ресей мұнайын өңдеуге дайындалып жатыр. Мұндай болжамды PACE Analytics сараптамалық компаниясының директоры Асқар Исмаилов айтты.

Ресейде мұнай өңдеу зауыттарының жұмысы Украина дрондарының тұрақты шабуылдары салдарынан қиындаған. Бұған дейін Reuters дереккөздеріне сілтеме жасап, Ресей өз мұнайын Қазақстанда өңдеу жөнінде келіссөз жүргізіп жатқанын хабарлаған.

Bloomberg есебінше, Ресейдегі мұнай өңдеу зауыттарының өндірістік көрсеткіштері соғысқа дейінгі деңгеймен салыстырғанда 30 пайызға төмендеген.

Басылым мәліметінше, Украина дрондары Ресейдегі 34 ірі мұнай өңдеу зауытының кемінде 24-іне соққы жасаған.