$ 518.39 € 603.09 ₽ 6.68

Papa John’s пицца желісі Қазақстанда жабылады

Редакция
11 желтоқсан 2025, 14:28
Papa John’s пицца желісі Қазақстанда жабылады Сурет авторы: thebtw.com/news

Papa John’s пицца желісі Қазақстан мен Қырғызстанда жабылады. Бұл туралы мастер-франчайзи иесі Данияр Монолбай Facebook-тегі парақшасында хабарлады. Компанияның жабылуына табыстың ұзақ уақыт бойы төмендеуі, шығындардың ұлғаюы және қаржылық міндеттемелердің жиналуы себеп болды.

«Барлық қолжетімді қаражатты ең маңызды төлемдерге бағыттадық: жалақы, салықтар, жалдау ақысы және қарыздардың бір бөлігін өтеу. Қазақстанда да қызметкерлердің басым бөлігіне басқа компанияларда жұмысын жалғастыруға көмектесе алдық. Бұл қызметімізді аяқтаудың маңызды бөлігі болды, және әрқайсысына еңбегі үшін алғыс айтамын», – деп жазды Монолбаев.

Америкалық Papa John's International пицца желісінің Қазақстан нарығына  2017 жылы  кірген еді. Елде Астана, Алматы, Ақтөбе, Атырау, Қостанай, Тараз және Ақтауда 15 ресторан жұмыс істеп келген.

 

#PapaJohns #Пицца #Шығын #Табыс #Франчайзинг #Қазақстан #Ресторан #Нарық #Дағдарыс #Қызмет #Бренд #Компания

Соңғы жаңалықтар