$ 539.49 € 627.7 ₽ 6.75

Өзбекстан шекарасынан өту жеңілдеуі мүмкін

Редакция
20 қараша 2024 06:16 1934
Өзбекстан шекарасынан өту жеңілдеуі мүмкін Сурет авторы: atpress.kz

Өзбекстан Қазақстан мен Тәжікстанмен шекарадан өту тәртібін ID-карта арқылы жеңілдетуді жоспарлап отыр. Бұл туралы Өзбекстан Президенті Шавкат Мирзиёев 20 қарашада Олий Мәжілістің Заң шығарушы палатасында алдағы бес жылға арналған үкіметтің басымдықтарын таныстыру барысында айтты, деп хабарлады gazeta.uz.

Мирзиёевтің айтуынша, Орталық Азия елдері арасындағы достық қарым-қатынастарды нығайту, өңірдің қауіпсіздігі мен тұрақтылығын қамтамасыз ету – елдің сыртқы саясатының негізгі бағыттары.

«Жақын арада Қазақстан мен Тәжікстанмен шекарадан өту тәртібін ID-карта арқылы енгізуді жоспарлап отырмыз. Бұл көршілес елдермен ынтымақтастықты нығайту жолындағы маңызды қадам болады», — деді ол.

Президент 2024 жылдың 1 қыркүйегінен бастап Өзбекстан азаматтарының Қырғызстанға шетелдік төлқұжатсыз, тек ID-карта арқылы бара алатынын еске салды.

Сонымен қатар 2025 жылы Өзбекстанда «Орталық Азия бестігінің» (Өзбекстан, Қазақстан, Қырғызстан, Тәжікстан, Түрікменстан) кездесуі өтеді. Президенттің айтуынша, бұл өңірлік ынтымақтастықты дамытудағы маңызды қадам болады.

Соңғы жаңалықтар