Өскеменде әскери бөлімнен сарбаз қашып кетті

Өскеменде 27943 әскери бөлімінің аумағынан өз бетімен кетіп қалған мерзімді әскери қызметші іздестіріліп жатыр. Бұл туралы Өскемен гарнизоны әскери полиция бөлімі хабарлады.

Ресми мәліметке сәйкес, 2004 жылы туған қатардағы жауынгер Мархан А. Е. 23 шілде күні шамамен сағат 06:30-да тәуліктік кезекшілік құрамында жүрген кезде қызмет орнын тастап кеткен. Оның жанында қару болмаған.

Әскери полицияның мәліметінше, сарбаз бөлім аумағынан әскери киіммен шығуы мүмкін. Сонымен бірге кейін азаматтық киімге ауысуы да жоққа шығарылмайды.

Іздестіріліп жатқан азаматтың бойы 177 сантиметр, салмағы шамамен 80 келі. Дене бітімі орташа, көзі қара, шашы қысқа әрі қара, бетінде меңдері бар.

Әскери полиция іздеу шараларын ішкі істер органдарымен бірлесіп жүргізіп жатыр. Іздестіру Қарулы күштер Бас әскери полиция басқармасы басшылығының бақылауында.

Сарбаздың жүрген жері туралы қандай да бір мәліметі бар азаматтардан 8 (7232) 62 34 15, 8 (705) 508 39 39 және 8 (775) 553 53 35 нөмірлеріне хабарласу сұралды. Ақпарат құпия сақталады.