Ораза қашан басталады: 2025 жылдың діни күндер кестесі бекітілді

Қазақстан мұсылмандары діни басқармасының Шариғат және пәтуа бөлімі 2025 жылғы діни күндер кестесін бекітті.

Мүфтият жариялаған кестеге сәйкес, келер жылы Рамазан айы 1 наурыз бен 29 наурыз аралығына сәйкес келеді. Қадір түні 26 наурыздан 27 наурызға қараған түнге түсіп тұр. Ораза айт 30 наурыз басталады. Ал Құрбан айт 6-8 маусым аралығында мерекеленеді.

"Хижри айлардың басталуы халықаралық астрономиялық зерттеу орталықтарының мәліметтері негізінде жасалды. Пәтуа мамандары діни мерекелердің нақты күндері жаңа айдың көрінуіне байланысты көрсетілген уақыттан бір күн шегерілуі немесе алға жылжуы мүмкін екенін ескертеді", – делінген хабарламада.