Оңтүстік Кореяда президенттік сайлау басталды

3 маусым күні Оңтүстік Кореяда президенттік сайлау басталды. Дауыс беру жергілікті уақыт бойынша таңғы 6:00-ден кешкі 20:00-ге дейін жалғасады. Ел аумағында 14 295 сайлау учаскесі жұмыс істеп тұр.

Бұл сайлау елдің саяси тұрақсыздығы жағдайында өтіп жатыр. Бұрынғы президент Юн Сок Елдің әскери жағдай енгізу әрекеті сәтсіз аяқталып, оның биліктен кетуіне себеп болған еді.

Сайлау додасында негізгі қарсыластар – «Тобуро» демократиялық партиясының өкілі Ли Чжэ Мён мен Азаматтық билік партиясының кандидаты Ким Мун Су. Соңғы жүргізілген сауалнамаларға сәйкес, Ли Чжэ Мён сайлаушылардың шамамен 50 пайыз қолдауына ие болып отыр. Ал Ким Мун Судың рейтингі 30 пайыз шамасында.

Айта кетейік, Ли Чжэ Мён 2022 жылғы президенттік сайлауда дәл осы Ким Мун Судан аз ғана — 0,73 пайыздық тармақ айырмасымен жеңіліп қалған еді.

Бұл жолғы сайлауға дауыс беруге құқығы бар 44 миллионнан астам азаматтың 34,74 пайызы мерзімінен бұрын дауыс беруге қатысқан. Ерте дауыс беру 29-30 мамыр күндері өткен болатын.

Сайлау нәтижелері алдағы сағаттарда белгілі бола бастайды деп күтілуде.