Өмірді қиындататын адамдар қартаюды тездетеді

Америкалық және халықаралық зерттеулер өмірді қиындататын адамдардың (токсикалық немесе күйзеліс тудыратын адамдардың) адам өміріне және денсаулығына әсерін анықтады. Зерттеулердің нәтижелері PNASжәне Psychology Today сияқты беделді басылымдарда жарияланды.

Зерттеуге 2300-ден астам адам қатысып, олардың әлеуметтік байланыстары мен қарым-қатынастары талданды. Қатысушылардан күнделікті өз өміріне кері әсер ететін адамдармен қарым-қатынасын көрсету сұралған. Биологиялық қартаю жылдамдығын анықтау үшін қатысушылардан алынған сілекей үлгілері арқылы ДНҚ өзгерістері (эпигенетикалық маркерлер) зерттелді, бұл жасушалардың қаншалықты тез қартаюын бағалауға мүмкіндік береді.

Салдарынан анықталғандай:

• Әрбір өмірді қиындататын адам қатысушының биологиялық қартаюын шамамен 1,5%-ға арттырады;

• Қатысушылардың 28,8%-ының өмірінде кемінде бір «токсикалық» адам бар;

• Әсіресе айналаңыздағы достарыңыз бен туыстарыңыз қартаюға көп әсер етеді;

• Орташа есеппен, биологиялық жас қысқа мерзімде 9 айға жоғарылайды.

Ғалымдар бұл эффектті хроникалық стресс факторымен байланыстырады: тұрақты эмоционалды кернеу нерв жүйесіне жүктеме түсіреді, ұйқыны бұзады және қабыну процестерін күшейтеді. Соның нәтижесінде денсаулық нашарлап, қартаю үдеуі мүмкін.

Зерттеу жетекшісі, Нью-Йорк университетінің әлеуметтану кафедрасының доценті Бёнкю Ли,

«Теріс әлеуметтік қарым-қатынастар адамның өмірін қиындатып, қартаюды тездетуі мүмкін» деп атап өтті.

Мамандардың айтуынша, өмірді қиындататын адамдарға көп уақыт бөлу денсаулыққа зиянды әсер етеді, сондықтан әлеуметтік орта мен қарым-қатынасты басқару маңызды.