Нұртілеу мен Көшербаев жаңа қызметке тағайындалды

Мемлекет басшысы Қасым-Жомарт Тоқаевтың Жарлығымен Қазақстан Республикасы Сыртқы істер министрі болып Ермек Беделбайұлы Көшербаев тағайындалды. Бұған дейін бұл қызметті Мұрат Әбуғалиұлы Нұртілеу атқарған еді.

📌 Мұрат Нұртілеу
2023 жылдың сәуірінен бастап вице-премьер – сыртқы істер министрі қызметін атқарды. Жаңа шешімге сәйкес, ол Қазақстан Президентінің халықаралық инвестиция және сауда ынтымақтастығы жөніндегі көмекшісі болып тағайындалды. Бұл лауазымда бұған дейін Ержан Қазыхан болған еді. 26 қыркүйекте Қазыхан Қазақстанның Женевадағы БҰҰ бөлімшесі мен басқа да халықаралық ұйымдар жанындағы тұрақты өкілі қызметіне тағайындалды.

📌 Ермек Көшербаев
2025 жылдың ақпанынан бері Қазақстан Республикасының вице-премьері қызметін атқарып келді. Бұған дейін Шығыс Қазақстан облысының әкімі, Қазақстанның Ресей Федерациясындағы төтенше және өкілетті елшісі, сыртқы істер вице-министрі болған. Енді ол Сыртқы істер министрлігін басқарады.