$ 461.55 € 540.38 ₽ 6.15

Нұрай Серікбайды өлтірді деген күдікті ақыл-есі дұрыс деп танылды

Абдрахманов Мағжан
30 сәуір 2026, 12:41
Нұрай Серікбайды өлтірді деген күдікті ақыл-есі дұрыс деп танылды Сурет авторы: Фотоколлаж: Azattyq Rýhy/Әбілқасым Есентаев

Шымкентте Нұрай Серікбайдың өліміне қатысты күдікті есі дұрыс деп танылды. Бұл жөнінде Ішкі істер министрінің орынбасары Санжар Әділов Сенат кулуарында мәлімдеді.

Оның айтуынша, іс бойынша сот-психиатриялық сараптама жүргізіліп, қорытындысы алынған. Күдікті заң алдында есі дұрыс тұлға ретінде жауап береді. Қазіргі уақытта тергеу аяқталу сатысында.

Іс адам өлтіру, некеге мәжбүрлеу және аңду деректері бойынша тергеліп жатыр. Күдікті 13 қаңтарда Шымкентте ұсталған. Кейін ІІМ бұл істі бақылауға алған.

22 қаңтарда аталған іс бойынша полиция қызметкерлеріне салғырттық дерегімен қылмыстық іс қозғалған. Сонымен қатар әлеуметтік желілерде қыздың қаза болар алдындағы бейнежазбасы тараған. Онда Нұрай Серікбай күдіктіге ешқандай шағымы жоқ екенін айтқан. Бұл жағдайға ІІМ өкілдері құқықтық баға берілетінін мәлімдеген.

Бұған дейін, 1 сәуірде күдіктінің мәжбүрлі емдеуге жіберілгені туралы ақпарат тараған еді.

#Адам өлтіру #Ақыл-есі дұрыс #Мәжбүрлі емдеу #Психиатрия #Сталкинг #Некеге мәжбүрлеу

Соңғы жаңалықтар