NIS оқушысының терезеден құлауы: «Өзін-өзі өлтіруге дейін жеткізу» бабы бойынша тергеу басталды

Петропавлда Назарбаев Зияткерлік мектебінің жаратылыстану-математика бағытындағы 18 жастағы оқушысының терезеден құлау дерегі бойынша сотқа дейінгі тергеп-тексеру басталды. Бұл туралы өңірлік полиция департаменті хабарлады.

Құқық қорғау органдары істі Қылмыстық кодекстің 105-бабы – «Өзін-өзі өлтіруге дейін жеткізу» бойынша тіркеген.

– Іс бойынша мән-жайды жан-жақты зерттеуге бағытталған тергеу әрекеттері жүргізілуде. Тергеу қорытындысы бойынша түпкілікті процессуалдық шешім қабылданады, – деп мәлімдеді полиция департаментінде.

Оқиға 17 ақпанда болған. Оқушы үшінші қабаттың терезесінен құлап кеткен. Дәрігерлер оның жағдайын тұрақты ауыр деп бағалап отыр.

Қазіргі уақытта оқиғаның себептері анықталып жатыр.