$ 509.63 € 592.34 ₽ 6.54

Нидерланды Украинаға АҚШ-тың қару-жарақтарын жеткізетін болады

Редакция
05 тамыз 2025, 10:46
Нидерланды Украинаға АҚШ-та өндірілген қару-жарақты жеткізетін НАТО-дағы алғашқы мемлекет болмақ.
Нидерланды Украинаға АҚШ-тың қару-жарақтарын жеткізетін болады Сурет авторы: Thomas Frey/dpa/picture alliance

Бұл туралы елдің қорғаныс министрі Рубен Брекельманс әлеуметтік желіде мәлімдеді, деп хабарлайды Deutsche Welle.

Министрдің айтуынша, қару-жарақ жеткізуге бөлінетін жалпы сома 500 миллион еуроны құрайды

«Бұл Украинаға өзін және Еуропаның қалған бөлігін Ресейден қорғауға көмектеседі», – деді Брекельманс.

Алайда ол қару-жарақтың нақты қашан жеткізілетіні туралы ақпарат берген жоқ.

Айта кетейік, АҚШ-тың бұрынғы президенті Дональд Трамп 10 шілде күні НАТО одақтастарына америкалық қару-жарақты сатып алуға мүмкіндік беретін жаңа бастаманы жариялаған болатын. Бұл бастама аясында сатып алынған қару кейін Украинаға беріледі.

Бағдарлама бойынша сатып алуға болатын жүйелердің қатарында Patriot зениттік-зымыран кешені де бар.

АҚШ бастамасына Нидерландтармен қатар Германия, Ұлыбритания, Финляндия, Дания, Швеция және Норвегия қолдау білдірді. Ал Франция, Италия, Чехия, Венгрия және Словакия америкалық қаруды Украина үшін сатып алудан бас тартқан. Бұл туралы ақпараттар бірқатар халықаралық бұқаралық ақпарат құралдарында жарияланды.

 

Автор: Бекарыс Сейдахмет

 

#УкраинаРесей #Саясат #АҚШ #Нидерланды

Соңғы жаңалықтар