$ 519.58 € 609.36 ₽ 6.63

Нетаньяху Трампты Нобель бейбітшілік сыйлығына ұсынды

Дулат Абдраманов
08 шілде 2025 09:55 9
Израиль премьер-министрі Биньямин Нетаньяху АҚШ президенті Дональд Трампты Нобельдің бейбітшілік сыйлығына ұсынды. Бұл туралы Associated Press агенттігі хабарлады.
Нетаньяху Трампты Нобель бейбітшілік сыйлығына ұсынды Сурет авторы: AP Photo / Susan Walsh

Нетаньяхудың айтуынша, Трамп "әртүрлі елдер мен өңірлерде бейбіт келісімдер орнатып жатқандықтан", мұндай жоғары марапатқа лайық. Бұл пікірін ол Ақ үйде өткен кешкі ас кезінде мәлімдеген.

Өз кезегінде Дональд Трамп Таяу Шығыста бейбітшілікке қол жеткізу мүмкін екенін айтты. Оның пікірінше, Иран билігі қазіргі таңда АҚШ пен Израильге құрметпен қарайды.

Алайда соңғы апталарда бұл өңірде әскери шиеленістер орын алды. 13 маусымда Израиль Иранның ядролық бағдарламасына қатысы бар нысандарына шабуыл жасады. Бұған жауап ретінде Иран Израильге соққы беріп, азаматтық инфрақұрылымға да зақым келді.

22 маусымда АҚШ Ирандағы ядролық нысандарға әуеден шабуыл жасап, Иран жауап ретінде Таяу Шығыстағы америкалық базаға соққы берді. 

#АҚШ

Соңғы жаңалықтар