“Несие алу үшін eGov-қа кіріп несие алуға дайын екенін растауы керек”- Аймағамбетов

Мәжіліс отырысында депутат Асхат Аймағамбетов қазіргі кезде eGov қосымшасында несие алудан бас тартқандар саны аз екенін айтты. Себебі бұл функцияның барын көбісі білмейтін көрінеді. Сондықтан енді несие алуға дайын азаматтар eGov-қа кіріп өзінің несие алуға дайын екенін растау функциясын енгізуді ұсынды. 

Осы функция арқылы зейнеткерлер мен басқа да азаматтарды алаяқтардан сақтауға болады, деп есептейді Аймағамбетов. Оның ұсынысы бйоынша несие алуға өзін дайын есептейтін азаматтар қосымша арқылы өзінің банктен берешек алуға дайын екенін растайды, ал растамағандарға банктер онлайн несие бермеуі керек.