Мұнай бағасы көтерілді: бұл Қазақстан үшін не білдіреді?

Бүгін мұнай бағасы әлемдік нарықта шамалы өсті. Brent маркалы мұнай баррелі 68,66 доллар, ал WTI 65,38 доллар деңгейіне жетті.

Бағаның көтерілуіне АҚШ пен Еуроодақ арасындағы тарифтік келісім себеп болды. Бұл жаһандық саудадағы шиеленісті бәсеңдетіп, нарыққа сенімділік берді.

Қазақстан үшін бұл маңызды жаңалық: елдің экспорттық кірісінің 40%-дан астамы мұнай мен газдан түседі. Сарапшылардың айтуынша, Brent бағасының әрбір 1 долларлық өсуі республикалық бюджетке қосымша түсім әкеледі.

Дегенмен OPEC+ ұйымының өндірісті арттыру жоспары мен Венесуэладан экспорттың көбеюі бағаның күрт өсуіне жол бермей отыр. Бұл- Қазақстан үшін тұрақты, бірақ аса жоғары емес мұнай табыстары кезеңінің жалғасатынын білдіреді.

Автор: Рахат Жора