Моди Путинді Украинадағы соғысты тоқтатуға шақырды

Үндістан Премьер-Министрі Нарендра Моди Бішкекте өткен Шанхай ынтымақтастық ұйымы саммиті аясында Ресей Президенті Владимир Путинмен кездесіп, Украинадағы соғысты тоқтатуға шақырды. Кремль Путин мен Моди әңгімесінің стенограммасынан үзінді жариялады.

Моди соғыстың созыла беруі адамзат үшін кері қадам екенін айтып, әскери қимылдарды тоқтатып, бейбіт шешімге ұмтылу қажет екенін жеткізді.

«Бізге соғыстың шексіз болғаны емес, аяқталғаны керек. Соғыс жалғасқан сайын адамзат бір қадам артқа шегінеді. Біз шексіз соғыстан оның аяқталуына, әскери әрекеттердің тоқтауына қарай жылжуымыз керек», – деді Моди.

Үндістан Премьер-Министрі барлық мәселе бейбіт жолмен шешілуі керек екенін де атап өтті.

«Үндістан – Ганди елі. Бұл – біздің ұстанымымыз», – деді ол.

Путин Модиге жауап ретінде: «Біз осы жолмен жүріп келеміз», – деді.

Ресей Украинаға қарсы соғысты 2022 жылғы 24 ақпанда бастады. Содан бері әскери қимылдар жалғасып келеді.