$ 502.57 € 591.68 ₽ 6.42

Мобильді аударым 1 миллион теңгеден асса айыппұл бірден салына ма?

Редакция
29 желтоқсан 2025, 16:19
Мобильді аударым 1 миллион теңгеден асса айыппұл бірден салына ма? Сурет авторы: Mobilaser

Қазақстандықтарға мобильді аударымдар арқылы ірі сома түскен жағдайда бірден айыппұл салынбайды. Бұл туралы Мәжіліс кулуарында Қаржы вице-министрі Ержан Біржанов мәлімдеді.

Вице-министрдің түсіндіруінше, егер азаматтың шотына үш ай қатарынан түрлі тұлғалардан жалпы сомасы 1 миллион теңгеден астам қаражат түссе, мемлекеттік кірістер органы автоматты түрде жаза қолданбайды. 

Тексеру қалай жүреді?

1. Хабарлама жіберу: Алдымен салық органы хабарлама жіберіп, ақшаның қайдан келгенін түсіндіруді сұрайды.

2. Тіркелу мүмкіндігі: Егер адам шынымен де бизнеспен айналысып жүрсе, ол өздігінен ЖК (ИП) ретінде есепке тұра алады.

3. Салықтық тексеру: Егер хабарламаға ешқандай жауап болмаса, тек сол кезде ғана салықтық тексеру басталуы мүмкін.

4. Шара қолдану: Тексеру барысында заң бұзушылық расталса ғана салық есептеледі. Ал төленбеген жағдайда материалдар сот орындаушыларына беріледі.

Сонымен қатар  Ержан Біржанов жақын туыстар арасындағы аударымдар бақылау нысанына жатпайтынын және олар үшін ешқандай жауапкершілік көзделмегенін атап айтты.

#Мобильді аударымдар #Салық #Қазақстан жаңалықтары #Қаржы министрлігі #Аударымдар #Салық тексеруі #Ақша #Заң #Бизнес қазақстан #Ержан Біржанов #Пайдалы ақпарат #Жаңалықтар #Налоги казахстан #Ип казахстан #Kaspi аударым

Соңғы жаңалықтар