Михаил Шайдоров пен Софья Самоделкинаға пәтер берілді (ВИДЕО)

25 ақпанға қараған түні Астанада Олимпиада чемпионы Михаил Шайдоров пен Софья Самоделкинаны салтанатты түрде қарсы алды. Елорда әуежайына жиналған жанкүйерлер мен спорт журналистері қазақстандық мәнерлеп сырғанаушыларды зор қошеметпен күтіп алды. Іс-шараға спорт министрі Ербол Мырзабосвнов және Ұлттық олимпиада комитетінің президенті Геннадий Головкин де қатысты.

Спортшылар 24 ақпаннан 25 ақпанға қараған түні елге оралды. Кездесу барысында Михаил Шайдоровқа үш бөлмелі пәтер, ал Софья Самоделкинаға бір бөлмелі пәтер табысталды. Сондай-ақ олардың бапкерлеріне де баспана берілді.

Олимпиада чемпионы жиналған қауымға алғысын білдірді.

– Осындай кеш уақытта қарсы алуға келген баршаңызға шын жүректен рақмет. Олимпиадада еліміздің туы ең биік тұғырға көтерілген сәтте кеудемді мақтаныш кернеді. Маған айтылған жылы сөздер мен қолдау – үлкен мотивация. Ел намысын ақтап, әрі қарай да биіктерді бағындыруға тырысамын. Баршаңызға алғыс айтамын, – деді Михаил Шайдоров.

Кеш барысында сөз алған Геннадий Головкин спортшыларды жаңа буынның қаһармандары деп атады.

– Біз, Қазақстан, бұған лайықпыз. Мәнерлеп сырғанаудан алтын алдық – бұл үлкен мақтаныш. Бұл – біздің жаңа қаһармандарымыз, – деді ол.

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от QRNews (@qrnews.kz)