Мемлекеттік кеңесші болған Ерлан Қарин жаңа қызметке ауысты

Ерлан Қарин Қазақстан Республикасы Президенті Әкімшілігі басшысының бірінші орынбасары лауазымына тағайындалды. Мемлекет басшысы Қасым-Жомарт Тоқаевтың тиісті жарлығы Ақорданың ресми сайтында жарияланды.

Жаңа қызметке тағайындалғанға дейін Ерлан Қарин Қазақстан Республикасының Мемлекеттік кеңесшісі лауазымын атқарып келген болатын. Ол бұл қызметте ішкі саясат, идеология және қоғамдық даму бағыттары бойынша ауқымды реформаларды үйлестірумен айналысты.

Ерлан Тынымбайұлы Қарин – отандық саясаттанушы, мемлекет және қоғам қайраткері. Әр жылдары ол Қазақстан Президентінің кеңесшісі, Қазақстан стратегиялық зерттеулер институтының (ҚСЗИ) директоры, «Қазақстан» РТРК» АҚ басқарма төрағасы және ҚР Көмекшісі – Қауіпсіздік Кеңесінің Хатшысы сияқты жауапты басқарушылық лауазымдарды атқарған.