Мәжіліс депутаты Air Astana-ның үстінен сотқа арыз бермекші

Мәжіліс депутаты Ирина Смирнова Air Astana әуе компаниясының үстінен сотқа арыз беруді жоспарлап отыр.

«Бүгін сағат 23.35-те мен Air Astana рейсімен Алматыдан Астанаға ұшуға тиіс едім. Бірақ ұшақ 16.30-да ұшып кеткен екен. Жеті сағат бұрын. Дүйсенбіде шағымдарымды ресімдей бастаймын және сотқа жүгінемін», - деп жазды депутат Ирина Смирнова өзінің әлеуметтік желідегі парақшасында.

Ол өзіне де, билеттерді сатып алған компанияға да ешқандай хабарландыру келмегенін атап өтті.

Содан кейін депутат Air Astana-ға қоңырау шалған.

«Таңертеңгі рейстерге билет жоқ. Не экономға, не бизнеске», - деп жазды Смирнова өзінің жазбасында.

Оған барлық шағымды билеттерді сатып алған компанияға жіберуді ұсынған.

«Барлық шағымды билеттерді алған компанияға жіберуді ұсынды. Өздері емес, басқалар кінәлі», - деп жазды Смирнова.

Кейінірек әуе компаниясынан жауап келді.

«Рейстің ұшу уақытының өзгеруіне байланысты келтірілген қолайсыздықтар үшін шын жүректен кешірім сұраймыз. Әуе компаниясы барлық жолаушыларға өзгерістер туралы SMS-хабарлама жібереді», - делінген әуе компаниясының жауабында.