Лудомания мен наркологияға шалдыққандарға несие беруге шектеу қойыла ма?

Қаржы нарығын реттеу және дамыту Агенттігінің төрайымы Мәдина Әбілқасымованың айтуынша наркологиялық есепте тұрған азаматтарға банктер енді тәуекелі жоғары деген мәртебе беріп, қаржы ұйымдары оларға несие беруді шектеуі мүмкін. Онымен қоса лудоманияға шалдыққандардың деректері арнайы бюрода жиналып, құмар ойындарға арналған шоттарға соңғы алты айда 300 мың теңгеден жоғары ақша аударымдары тіркелесе оларға да банктен несие алуға шектеу қойылуы мүмкін.