Қызылорда облысында жасөспірім сыныптасын кеудесіне ұрып өлтірді

Кәмелетке толмағандардың істері жөніндегі ауданаралық сотта денсаулығына ауыр зиян келтірді және бұзақылық жасады деп айыпталған екі жасөспірімге қатысты қылмыстық іс қаралды.

Қодаманов ауылының оныншы сынып оқушылары тоғызыншы сынып оқушыларын өздеріне “құрмет көрсетпеді” деп айыптап, кейін жасөспірімдердің бірі мектеп оқушыларын ұрып-соғып, оларды қатарға тұрғызған. Оның сыныптасы оқушылардың бірінің кеудесіне қатты соққы жасайды. Соққының салдарынан оқушыда рефлекторлық жүрек тоқтауы болып, алған жарақатынан қайтыс болды.

Сот процесінде сотталушылардың бірі кінәні ішінара мойындады, ал екіншісі тағылған айыптармен толық келіскен. Сараптама жәбірленушінің Кеудесінен ауыр жарақат алғанын растады, бұл өлімге әкелді.

Сот жасөспірімді денсаулығына қасақана ауыр зиян келтіргені үшін кінәлі деп тауып, оны алты жыл сегіз айға бас бостандығынан айырды. Бұл ретте сотталушылар бұзақылық жасады деген айыппен жауапкершіліктен босатылды.

Сот үкімі әлі заңды күшіне енген жоқ.