$ 461.39 € 534.75 ₽ 5.45

Қытайға жарысқа барған қазақстандық волейболшылар көшеде қалды

Редакция
17 шілде 2026, 16:24
Қытайға жарысқа барған қазақстандық волейболшылар көшеде қалды Сурет авторы: t.me/insaidkazvolley

Қытайдың Хайкоу қаласында өтіп жатқан 18 жасқа дейінгі жасөспірімдер арасындағы Азия чемпионатында Қазақстан құрамасымен жағымсыз жағдай орын алды. Қазақстан волейбол федерациясының қарызына байланысты спортшылар қонақүйге орналастырылмады.

«insaidkazvolley» ақпарат көзінің мәліметінше, волейболшылардың қонақүй нөмірлеріне кіруіне тыйым салынған. Оған себеп - Қазақстан волейбол федерациясының команданың тұру ақысын уақытылы төлемеуі. Мұндай келеңсіздік спортшылардың турнир кезіндегі дайындығы мен көңіл-күйіне кері әсерін тигізбей қоймайды.
Қиындықтарға қарамастан, Қазақстан жасөспірімдер құрамасы Азия біріншілігіндегі өнерін жалғастырып жатыр. Айта кетейік, топтық кезеңде үшінші орын алған ұжым медальдар үшін таласатын плей-офф кезеңіне өте алмады.

Турнирде қазақстандықтар Гонконг командасына есе жібергенімен (0:3), кейіннен Австралия құрамасын 3:1 (25:11, 27:25, 22:25, 25:22) есебімен жеңді. Осы жеңістің арқасында команда соңғы орындар үшін өтетін матчтан құтылып қалды. Жарыстың қорытынды кездесуінде волейболшыларымыз бұған дейін топтық кезеңде жеңіп үлгерген Қырғызстан құрамасымен шеберлік танытады.

#Волейбол #Азия чемпионаты #Жасөспірімдер құрамасы #Спорт жаңалықтары #Федерация #Хайкоу

Соңғы жаңалықтар