Қытайда жасанды интеллектпен басқарылатын тракторлар сынақтан өтуде

Қытай аграрлық технология саласындағы тағы бір ірі жетістікке қол жеткізді. Елдің инженерлері мен ғалымдары 5G, жасанды интеллект және BeiDou спутниктік навигациялық жүйесіне негізделген автономды трактор жасап шығарды. 

Жаңа буындағы тракторлар жүргізушісіз жұмыс істеуге қабілетті. Олар жер жырту, тұқым себу және өнім жинау сияқты процестерді толық автоматты түрде орындайды. Машиналар топырақтың жағдайын, ауа райын және нақты дақыл түрін ескере отырып, нақты уақытта бейімделе алады. Бұл егіс жұмыстарының тиімділігін арттырып, өнімділікті көбейтудің заманауи жолы.

Аталған жүйеде 5G технологиясы арқылы ақпарат бірден беріледі. Бұл машиналарға нақты координаттар мен жағдайларға жедел икемделуге мүмкіндік береді. Сонымен қатар, BeiDou спутниктік жүйесі арқылы жоғары дәлдікпен навигация қамтамасыз етіледі.

Автор: Әмір Жәнібек