Қымыз ішіп алған адамға көлік жүргізуге бола ма?

Қымыз не квастағы алкоголь мөлшері алкогольді сусындардағыдай жоғары емес. Дегенмен алкотестер нәтижесіне әсер етуі мүмкін. Сондықтан дәрігерлер жүргізушілер алкогольді ішімдіктерден, соның ішінде қымыз бен квас ішуден де аулақ болғаны жөн деп санайды.

«Бір стақан қымыз немесе квас ішкеннен кейін, қандағы алкоголь мөлшері белгілі бір уақыттан кейін 1,6 промиллеге жетеді. Біршама уақыт өткен соң бұл көрсеткіш 0,00 промиллені көрсетеді. Сондықтан қандай да бір көлікті жүргізбеген жөн. Қазақстанның заңнамасы бойынша қаныңыздан алкоголь табылса, не ішкеніңізге қарамастан, ол мейлі қымыз, квас, алкогольді сусын болсын, тиісті шаралар қабылданады», – деп жауап берді Психикалық денсаулық орталығы informburo.kz сұрауына.

Департамент алкоголь деңгейі 0,5 промилледен аспаса да, жүргізуші нарколог тексерісінен өтпесе, мұны жеңіл дәрежедегі масаю деп санауы мүмкін екенін атап өтті. Сондай-ақ кейбір дәрі-дәрмек құрамында да спирт бар, сондықтан оларды нұсқаулыққа сай қабылдау керек.

Бұл ретте Психикалық денсаулық орталығының наркологиялық қызметі өз тәжірибелерінде квас пен қымыз ішкен жүргізушілерді куәлігінен айыру немесе айыппұл салу жағдайлары кездеспегенін айтты.