Криштиану Роналду карьерасын аяқтай ма? Жаһандық футбол жұлдызы сенсациялық мәлімдеме жасады

Португалиялық белгілі футболшы, «Алтын доптың» бес дүркін иегері Криштиану Роналду 2026/27 жылғы маусым оның кәсіби спорттық карьерасындағы соңғы кезең болуы мүмкін екенін мәлімдеді. Бұл туралы 41 жастағы шабуылшы Vogue журналына берген сұхбатында хабарлады.

Спортшы кәсіби футболда 25 жыл бойы өнер көрсетіп келе жатқанын және алдағы жоспарлары толықтай айқындалғанын атап өтті. Карьерасын аяқтағаннан кейін ол уақытын отбасына арнауды, саяхаттауды және падел-тенниспен айналысуды жоспарлап отыр.

Бұдан бұрын Роналду маусым-шілде айларында өткен 2026 жылғы Әлем чемпионаты өзінің карьерасындағы соңғы турнир болғанын растаған еді. Аталған біріншілікте Португалия құрамасы 1/8 финал сатысында Испания құрамасына 0:1 есебімен жол беріп, жарысты аяқтады.

Қазіргі уақытта Криштиану Роналду Сауд Арабиясының «Аль-Наср» клубы сапында өнер көрсетуін жалғастыруда. Оның клубтық деңгейдегі басты мақсаттарының бірі – кәсіби карьерасында соққан ресми голдар санын 1000-ға жеткізу.

Сондай-ақ, бұған дейін БАҚ беттерінде Роналдудың Джорджина Родригеспен ресми түрде некеге тұрғаны туралы хабарланған болатын.