Қостанайлық әке тоғыз жыл бойы заңсыз түрде алимент төлеп келген

Бұл туралы Жоғарғы сот хабарлады.

2016 жылы ер адамға жеті жастағы қызы мен он жастағы ұлына алимент төлеу міндеттелген. Алайда арада екі ай өткенде балалардың анасы қайтыс болып, әкесі оларды өз қамқорлығына алған. Соған қарамастан, жеке сот орындаушы алимент өндіруді тоқтатпаған.

Өткен жылдың тамызына қарай ер адамның «қарызы» 2 миллион теңгеден асып кеткен. Салдарынан оның банк картасы бұғатталып, автокөлігі мен жылжымайтын мүлкіне тыйым салынған. Ол өзін борышкер екенін тек жалақысы арестке алынғаннан кейін білген.

Қостанай облысының әкімшілік соты бұл істі бірден тоқтатуға шешім қабылдады. Сондай-ақ әділет органдарына сот орындаушыға қатысты шара қолдану және мұндай жағдайлар қайталанбауы үшін тиісті әрекет ету туралы арнайы тапсырма жолдады. Ал сот орындаушы бұл шешіммен келіспей, шағымдануға тырысқан.