Қостанай облысында ауа райының қолайсыздығына байланысты үш жол учаскесі жабылды

"Қазавтожол" Қостанай облысында ауа райының қолайсыздығына байланысты үш жол учаскесі жабылғанын ескертті.

Жол учаскелерінде автокөліктің барлық түрлері үшін шектеу енгізілді:
Қостанай – Әулиекөл-Сурған Тобылдан Октябрь кентіне дейін;
Екатеринбург-Алматы Қостанайдан Федоровка кентіне дейін;
Екатеринбург-Алматы Щербаково ауылынан Сарыкөл ауылына дейін.

Жүргізушілер өздерінің қауіпсіздігі үшін жабық жерлерге бармауы керек.

Айта кетейік, өңірде 31 қазанда дауылды ескерту жарияланды. Қостанай облысының оңтүстігінде, шығысында және батысында көктайғақ күтілуде. Аймақтың көп бөлігінде тұман бар.