Көкшетауда су тасқынына байланысты Төтенше жағдай жарияланды

Көкшетауда Қылшақты өзенінің арнасынан асып, тұрғын үйлерді, әлеуметтік нысандарды, көшелер мен үй аулаларын су басуына байланысты Төтенше жағдай жарияланды. Қала әкімі Бауыржан Ғайса бұл шешімнің жағдайды тұрақтандыру мақсатында қабылданғанын атап өтті.

"Келтірілген шығын көлемі анықталып, комиссия арқылы материалдық көмек мәселесі шешілетін болады. Су тасқынынан келтірілген залалдарды жою бойынша жедел штаб құрылды. Су басқан аймақтардағы тұрғындарды эвакуациялау жұмыстары жүргізілуде, қазіргі кезде 100 жуық адам арнайы дайындалған орындарға орналастырылды. Жерлестеріме жағдайды түсінгеніңіз үшін және су тасқынына қарсы күресте қолдан келгенше көмек көрсеткеніңіз үшін алғыс айтамын",-  деді қала әкімі Бауыржан Ғайса.

Су тасқынынан зардап шеккендер көкшетаулық 8775 666 99 08 (Ватсап) телефон нөмірі бойынша хабарласа алады.