$ 509.63 € 592.34 ₽ 6.54

Қоғамдық орындарда бет жасыруға қатысты жаңа ереже енгізілді

Редакция
19 желтоқсан 2025, 12:28
Қоғамдық орындарда бет жасыруға қатысты жаңа ереже енгізілді Сурет авторы: Ernur.kz
Сенат қоғамдық қауіпсіздікті арттыруға бағытталған түзетулерді мақұлдады. Енді қоғамдық орындарда өз беттерін әдейі жауып жүрген адамдар заң алдында жауапкершілікке тартылады.
 
Жаңа заң бойынша, бет жабатын киім немесе заттар – балаклава, маска және басқа да тұлғаның жеке басын тануды қиындататын элементтер – бақылауға алынады. Алайда медициналық себептер, қолайсыз ауа райы, қызметтік міндеттерді орындау немесе спорттық және мәдени іс-шараларға қатысу кезінде бет жабуға рұқсат етіледі.
 
Қоғамдық орындарда бет жабатын киім киюге қатысты жауапкершілік мынадай: бірінші рет бұзған жағдайда ескерту беріледі, ал бір жыл ішінде қайталанса – 10 МРП көлемінде айыппұл салынады.
 
Ведомстволар бұл түзетулер қоғамдық қауіпсіздікті қамтамасыз ету және заң бұзушылықтың алдын алу үшін енгізіліп отырғанын атап өтті.
#Қоғамдық қауіпсіздік #Бет жабу #Маска #Балаклава #Заң #Жауапкершілік #Айыппұл #Қоғамдық орын #Құқықтық түзетулер #Қазақстан

Соңғы жаңалықтар