Киік етінің келісі қаншадан сатылатыны белгілі болды

Ауыл шаруашылығы министрлігі киік етінің ұсынылған бағасын бекітті. Ведомствоның мәліметінше, 1 келі киік еті 1600 теңге болып белгіленген.

8 шілдеде ауыл шаруашылығы министрі Айдарбек Сапаров еттің нақты бағасы 10 күн ішінде белгілі болатынын айтқан еді.

– Бұл жұмыс енді ғана басталды. Онымен Экология министрлігі айналысады. Біздің міндет – ет комбинаттарын қамтамасыз ету. Қазір 18 кәсіпорын тіркелген, олардың бәрінде ветеринариялық бақылау бар. Баға, логистика және өткізу форматына байланысты жұмыстар жалғасады. Жақын күндері – бір апта, әрі кетсе он күн ішінде нақты бағаны айтамыз, – деген болатын министр Үкімет отырысынан кейін.

Еске салайық, киіктерді реттеу мақсатында ату жұмыстары жүргізіліп жатыр.