Кедендегі алаяқтық: 33 млрд теңге шығын келтірген қылмыстық топтың мүшелері ұсталды

Қазақстан кеден жүйесінде жұмыс істеген ұйымдасқан қылмыстық топ мемлекетке 33 миллиард теңгеден астам шығын келтірген. Бұл туралы Алматы қаласының прокуратурасы хабарлады.

Тексеріс барысында шекара арқылы тауарларды жалған құжаттар мен қолдан жасалған кедендік таңбалар арқылы өткізгені анықталған. Кейбір компаниялар шын мәнінде ешқандай тауар жеткізбеген, жұмыс істемеген немесе қызмет көрсетпеген. Соған қарамастан, олар барлығы жасалғандай етіп жалған құжаттар (шот-фактуралар) рәсімдеген. Бұл әрекеттер "экономикалық контрабанда" және "жұмыс, қызмет немесе тауарсыз шот-фактура жазу" баптары бойынша қылмыстық іс қозғауға негіз болған.

Күдіктілер ретінде кеден саласындағы уәкілетті экономикалық операторлар деп танылған бірнеше компанияның басшылары тергелді. Іс материалдары бойынша қылмыстық әрекеттер ұзақ уақыт бойы жүйелі түрде жүргізіліп келген.

🔹 Сот үкімімен айыпталушылар кінәлі деп танылып, 2 жылдан 7 жылға дейін бас бостандығынан айырылды.
🔹 Олардың мүлкі тәркіленіп, мемлекет кірісіне алынатын болды.
🔹 Апелляциялық саты бұл үкімді күшінде қалдырды.