ҚазҰУ студенті 14-қабаттан құлап көз жұмды: Министр қайғылы оқиғаға қатысты пікір білдірді

Ғылым және жоғары білім министрі Саясат Нұрбек Әл-Фараби атындағы Қазақ ұлттық университетінің студенті көз жұмған оқиғаға қатысты пікір білдірді. Министрдің айтуынша, тергеу әлі де жалғасып жатыр.

«Сот шешімі шықпай тұрып айта алатыным – бұл, негізінен, отбасылық, ішкі жағдайға байланысты қайғылы оқиға. Қазір менің білуімше, "Өз-өзін өлтіруге итермелеу" бабы бойынша қылмыстық іс қозғалады. Университетке де, оқу үдерісіне де қатысы жоқ», – деді ол Үкімет кулуарында.

Еске салайық, шілде айында Әл-Фараби атындағы ҚазҰУ ректорының ғимаратынан бірінші курс студенті құлап, көз жұмғаны белгілі болды.