Қазақтелеком роутерді тегін ауыстырып береді: қалай өтініш беруге болады?

Қазақтелеком ескі роутерді жаңасына ауыстыруды көздейтін Sapa+ ауқымды бастамасын іске асырып жатыр. Жобаның мақсаты – үйдегі интернеттің сапасы мен жылдамдығын едәуір жақсарту. Бүгінде елімізде телеком-оператор 55 мыңға жуық клиенттің ескірген жабдығын ауыстырып үлгерді. Компания жыл аяғына дейін бүкіл елде 300 мың клиенттің қондырғысын жаңартуды жоспарлап отыр. 

Жаңа роутерлер 5 ГГц жиілікте 2402 Мбит/с дейін және 2,4 ГГц жиілікте 574 Мбит/с дейін жылдмадық береді. Төрт ядролы процессордың арқасында олар кедергілер мен басқа да ақаулар туындаған жағдайда байланыс сапасын сақтау үшін трафикті интеллектуалды түрде бақылап, оңтайландырады. 

«Неліктен біз жобаны Sapa деп атадық? Бұл – қазақтың «Сапа» деген сөзі, ал клиенттің үйінде әлі күнге дейін ескірген жабдық тұрса, интернеттің сапасы қандай болуы мүмкін?! Егер «Оптика» арқылы пәтерге немесе үйге дейін компания 500 Мбит/с дейін жылдамдықты қамтамасыз етсе, онда сәйкес келмейтін роутер ол жылдамдықты 10 есе аз алады - 50 Мбит/с дейін. Сондықтан біз ескі роутерді өз қалтамыздан жаңасына ауыстырып жатырмыз», - деп атап өтті «Қазақтелеком» АҚ Басқарма төрағасы Бағдат Мусин.  

Роутерді ауыстыру үшін келесі жолдармен өтініш беруге болады: 

• telecom.kz қосымшасында;  

• +7 708 0000 160 номері арқылы WhatsApp мессенджеріне;

• @TelecomKZBot Telegram-ботына; 

• 160 номері арқылы ортақ анықтама қызметіне хабарласу; 

• компанияның жақын маңдағы бөлімшесіне бару.