Қазақтар ерте өлем демесе дәрі мен тұзды азайтсын – нейрохирургтың кеңесі

Қазақстандық нейрохирург Мыңжылқы Бердіқожаев халықты дәріні де, тұзды да шектен тыс қолданбауға шақырды.

“Кетонал” дәрісін шамадан тыс ішкендер мен тұзды көп пайдаланатын адамдардың бүйрегі істен шығуы мүмкін. Біз тек Қазақстанда сертификатталған дәрілерді ғана ұсынамыз,” – деді дәрігер.

Бердіқожаевтың айтуынша, әсіресе тұзды көп пайдалану қауіпті.
“Қазы – қазақтың ұлттық тағамы. Бірақ оған тұздың көп мөлшері қосылатыны белгілі. Қазақ халқы ет пен тұзға жақын екеніне қарсылығым жоқ, алайда шамадан тыс қолданбаған дұрыс,” – деп ескертті нейрохирург.

Ғалымдар да тұрғындардың өмір сүру ұзақтығына назар аударып отыр. Зерттеу нәтижесіне сай, қазақстандықтардың орташа жасы жыл сайын артып келеді. Бұрын бұл көрсеткіш 65 жастан аспаса, бүгінде 74–75 жасқа жеткен.

Автор: Рахат Жора