$ 447.88 € 516.58 ₽ 5.29

Қазақстанның Мәдениет және ақпарат министрі ауысты

Абдрахманов Мағжан
03 қыркүйек 2026, 13:11
Қазақстанның Мәдениет және ақпарат министрі ауысты Сурет авторы: gov.kz

Президент Қасым-Жомарт Тоқаевтың жарлығымен Арман Қырықбаев Қазақстанның Мәдениет және ақпарат министрі болып тағайындалды. Ол бұған дейін атқарған қызметінен босатылды.

Бұған дейін Құрылтайдың Әлеуметтік-мәдени даму комитеті Арман Қырықбаевтың кандидатурасын мақұлдаған. Комитет оны Премьер-Министрдің орынбасары – Мәдениет және ақпарат министрі қызметіне тағайындауға болады деген қорытынды қабылдады.

Арман Қырықбаев 1976 жылы Астанада дүниеге келген. Қазақ мемлекеттік басқару академиясын экономист мамандығы бойынша, Сыртқы істер министрлігінің Дипломатиялық академиясын халықаралық қатынастар мамандығы бойынша тәмамдаған.

Ол 2025 жылғы ақпаннан бері Президенттің ішкі саясат мәселелері және коммуникациялар жөніндегі көмекшісі қызметін атқарды.

Арман Қырықбаев бұған дейін мемлекеттік қызметте және жергілікті атқарушы органдарда түрлі лауазым атқарған. Соның ішінде Алматы қаласы әкімінің орынбасары қызметінде болған.

#Арман Қырықбаев #Мәдениет және ақпарат министрі

Соңғы жаңалықтар