$ 509.63 € 592.34 ₽ 6.54

Қазақстаннан Қырғызстанға 15,5 млрд теңгенің бензинін заңсыз тасымалдамақ болғандар ұсталды

Редакция
28 ақпан 2025, 03:07
Қазақстаннан Қырғызстанға 15,5 млрд теңгенің бензинін заңсыз тасымалдамақ болғандар ұсталды Сурет авторы: видеодан скрин

Қаржылық мониторинг агенттігі Қазақстаннан Қырғызстанға заңсыз жолмен бензин тасымалдамақ болған ұйымдасқан топты әшкереледі.

Тергеу мәліметтері бойынша, қылмыстық топ АИ-92 маркалы бензинін еріткіш және дистиллят ретінде рәсімдеп, жалған құжаттар арқылы шекарадан шығарған. Оперативті іс-шаралар барысында "Түрксіб" станциясында Қара Май ОйЛ шағын мұнай өңдеу зауытынан тиелген сегіз цистерна (500 тоннаға жуық бензин) тәркіленді.

2023-2024 жылдары аталған зауыттан 102 мың тоннадан астам бензин экспортталған. Қылмыстық топтың заңсыз айналымдағы табысы 15,5 млрд теңгеден асқан.

Қазіргі таңда үш күдіктіге халықаралық іздеу жарияланды:

  • Попов Алексей Александрович, 27.04.1987 ж., Қазақстан азаматы, Тараз қаласының тумасы, сотталмаған;
  • Ибраимов Рахымжан Маматұлы, 29.01.1996 ж., Қазақстан азаматы, Өзбекстанның Чартак қаласының тумасы, сотталмаған;
  • Сағындықов Серік Ерланұлы, 29.07.1987 ж., Қазақстан азаматы, Жамбыл облысының тумасы, сотталмаған.

ҚМА күдіктілер туралы ақпарат білетін азаматтарды +7-727-279-20-86 нөміріне хабарласуға шақырады. Ақпарат бергендер жайлы мәлімет ешқайда тарамайды, сондай-ақ сыйақы беріледі.

Соңғы жаңалықтар