Қазақстанға 12-алтын: Тамерлан Төлеулес Азия ойындарының чемпионы атанды

Қазақстандық таеквондошы Тамерлан Төлеулес Жапонияда өтіп жатқан Аичи–Нагоя Азия ойындарының чемпионы атанды. Ол 58 келіге дейінгі салмақ дәрежесінің финалында Филиппин өкілі Курт Барбосаны жеңді.

Бұл – Қазақстан құрамасының қазіргі Азия ойындарындағы 12-алтын медалі.

Төлеулес жарысты ширек финалдан бастап, алдымен Кувейт өкілі Хамад Абдалланы жеңді. Жартылай финалда Сауд Арабиясының өкілі Фахад Ас-Сумайхпен кездесіп, финалға жолдама алды. 

Айта кетейік, Аичи–Нагоядағы ХХ жазғы Азия ойындары 4 қазанға дейін жалғасады.