$ 522.38 € 612.6 ₽ 6.54

Қазақстандықтардың жалақысы қашан 600 мың теңгеге дейін жетеді?

Редакция
12 желтоқсан 2025, 11:19
Қазақстандықтардың жалақысы қашан 600 мың теңгеге дейін жетеді? Сурет авторы: qazdauiri.kz

Аналитикалық кредиттік рейтингілік агенттіктің (АКРА) сарапшыларының пікірінше, 2028 жылы Қазақстандағы орташа жалақы 605 мың теңгеге жетеді, деп хабарлайды kursiv.kz.

Олардың айтуынша, халықтың нақты кірістері өсіп жатыр. Бұл ішкі сұранысты қолдайтын негізгі факторлардың бірі.

«2024–2025 жылдары халықтың нақты ақшалай кірістері жыл сайын 4–5%-ға өсуде, ал орташа жалақының нақты өсмі жыл қорытындысы бойынша 1,2% құрайды», – делінген есепте.

Агенттік мәліметіне сәйкес, 2025 жылдың қорытындысы бойынша Қазақстандағы орташа жалақы 423 мың теңге болады. Ал 2026 жылы ол 501 мың теңгеге дейін өседі. 2027 жылы болжам бойынша 554 мың теңге болады. Сол уақытта жұмыссыздық деңгейі болжам кезеңі бойы тұрақты болып – 4,7% деңгейінде сақталады.

Салыстыру үшін: Ұлттық статистика бюросының деректеріне сәйкес, 2025 жылдың үшінші тоқсанында Қазақстандағы орташа жалақы 429 368 теңгеге жетті, бұл 2024 жылмен салыстырғанда 10%-ға жоғары.

#Қазақстан #Жалақы #ОрташаЖалақы #НақтыКіріс #ІшкіСұраныс #2028Жобасы ##ҚазақстанЭкономикасы

Соңғы жаңалықтар