Қазақстандықтар заңгердің көмегін қалай тегін ала алады?

ҚР “Адвокаттық қызмет және заң көмегі” заңында жеке және заңды тұлғаларға тегін негізде заң көмегін көрсету көзделген. Осы мақсатта Zan komegi ақпараттық жүйесі әзірленген. Сайт арқылы аз уақытта адвокат, заң консультаттарын табуға, тегін онлайн-консультация алуға болады.

Мемлекет кепілдік берген заң көмегі кімге беріледі?

• алимент өндіріп алу, зейнетақы мен жәрдемақы тағайындау, ақтау, босқын немесе қандас мәртебесін алу мәселелері бойынша жеке тұлғаларға;

• ата-анасының қамқорлығынсыз қалған кәмелетке толмағандарға;

• сексуалдық зорлық-зомбылық, адам саудасы, терроризм актісі құрбандарына не азаптауларға ұшыраған құрбандарға;

• асыраушысының қайтыс болуынан келтірілген зиянды өтеу мәселелері бойынша жеке тұлғаларға;

• жұмысына байланысты денсаулығының зақымдануынан келтірілген не қылмыстық құқық бұзушылықпен келтірілген зиянды өтеу мәселелері бойынша жеке тұлғаларға;

• Ұлы Отан соғысына қатысушылар, жеңілдіктер бойынша Ұлы Отан соғысына қатысушыларға теңестірілген адамдар, сондай-ақ басқа мемлекеттердің аумағындағы ұрыс қимылдарының ардагерлері, мерзімді қызметтегі әскери қызметшілер, бірінші және екінші топтағы мүгедектігі бар адамдар, жасы бойынша зейнеткерлер болып табылатын, кәсіпкерлік қызметпен байланысты емес мәселелер бойынша жеке тұлғаларға;

• кәсіпкерлік қызметпен байланысты емес мәселелер бойынша көпбалалы отбасыларға;

• кәсіпкерлік қызметпен байланысты емес мәселелер бойынша жан басына шаққандағы орташа айлық кірістері облыстарда, республикалық маңызы бар қалаларда, астанада белгіленген кедейлік шегінен төмен табысы аз адамдарға (отбасыларға).

Заң жөнінен көмекті сайттан бөлек eGov mobile қосымшасында да алуға болады. Кәсіби негізде көмек көрсететін 3748 адвокат пен 2561 заң консультатының қызметін пайдалана аласыз.