Қазақстандағы ең үздік 5 көлік: Сұранысқа ие темір тұлпарлар тізімі жарияланды

2026 жылдың алғашқы екі айында Қазақстанның ресми дилерлері баламалы энергия көздерімен жүретін 708 жеңіл автокөлік сатты. Бұл өткен жылмен салыстырғанда 4,2 есе көп. Алайда, нарықта жаңа тренд байқалуда: отандастарымыз таза электромобильдерден (270 дана) қарағанда, гибридтерді (438 дана) жиірек таңдай бастаған.

Қазақстан автомобиль одағының (ҚАО) мәліметінше, тұтынушылар арасында қуатталатын гибридтерге (PHEV) сұраныс жоғары. Сонымен қатар сырттан зарядтауды қажет етпейтін дәстүрлі гибридтер (HEV) де өз позициясын сақтап тұр, олардың арасында Toyota бренді көш бастап тұр.

Нарықтағы үздік брендтер:

1. BYD — 428 көлік

2. Li Auto — 164 көлік

3. Zeekr — 42 көлік

4. Geely Galaxy — 28 көлік

5. ROX — 20 көлік

Ел арасында ең көп сатылған модель — гибридті BYD Song Plus DM-i кроссовері (127 дана). ҚАО президенті Анар Макашеваның айтуынша, алдағы жылдары «жасыл» көліктердің үлесі арта түседі, бірақ әмбебаптығына байланысты дәл осы гибридті технологиялар нарықтың негізгі бөлігін иеленуі мүмкін.