Қазақстандағы АЭС елдің электр энергиясына сұранысының 20%-ын жабуы мүмкін

Қазақстанда салынуы жоспарланған атом электр станциясы елдің энергетика жүйесіндегі ірі нысандардың біріне айналмақ. Алдын ала есеп бойынша, станция жыл сайын 19,5 млрд кВт·сағ электр энергиясын өндіреді.

ҚР Атом энергиясы агенттігінің төрағасы Алмасадам Сәтқалиевтің айтуынша, бұл қазіргі таңда Қазақстан тұтынатын электр қуатының шамамен 20 пайызына тең.

«Бүгінде заманауи технологиялар станцияларды 60 жыл пайдалануға мүмкіндік береді. Сонымен қатар бұл мерзімді екі рет 20 жылға ұзартуға болады. Яғни біз бұл станцияны бір ғасырға жуық уақыт басқару туралы айтып отырмыз», – деді Сәтқалиев.